തിരുവനന്തപുരം - കാസർഗോഡ് വന്ദേ ഭാരതിൽ യാത്രക്കാരെ വലച്ച് പുക. ആരോ സിഗരറ്റ് വലിച്ചതാണെന്നാണ് പ്രാഥമിക നിഗമനം. സി 5 കമ്പാർട്ട്മെൻ്റിൽ നിന്നാണ് പുക ഉയർന്നത്. ആലുവ ഭാഗത്തേക്കുള്ള ലൈനിൽ കളമശേരി പിന്നിടുമ്പോഴാണ് സ്മോക് ഡിറ്റക്ടർ പ്രവർത്തിച്ച് ട്രെയിൻ തനിയെ നിന്നത്.
ട്രെയിൻ ആലുവ സിറ്റേഷനിലെത്തിച്ച് റീസെറ്റ് ചെയ്തതിന് ശേഷമാണ് വീണ്ടും പുറപ്പെട്ടത്. 23 മിനുറ്റ് ട്രെയിൻ വൈകി. പുക ഉയർന്നാൽ തിരിച്ചറിയുന്ന സംവിധാനം വന്ദേ ഭാരതിലുണ്ട്. സംഭവത്തിൽ റെയിൽവെ പോലീസ് അന്വേഷണം തുടങ്ങി.
