സ്കൂളിന് സമീപത്ത് നിന്ന് കൂറ്റൻ പെരുമ്പാമ്പിനെ പിടികൂടി .പാലോട് വനം റെയിഞ്ച് പ്രദേശത്തെ കുറുപുഴയിൽ എൽ.പി. സ്കൂളിന് മുന്നിൽ നിന്നും കൂറ്റൻ പെരുമ്പാമ്പിനെ ആർ.ആർ.ടി അംഗം ജയപ്രകാശാണ് പിടികൂടിയത് .
ഇന്നലെ രാത്രി 8:30 മണിയോടെ വാഹനയാത്രക്കാരാണ് പെരുമ്പാമ്പിനെ കണ്ടത്. തുടർന്ന് തൊട്ടടുത്ത വീട്ടുകാരെ അറിയിക്കുകയും പാലോട് ആർ.ആർ.ടി ക്ക് വിവരം കൈമാറുകയുമായിരുന്നു.
പിടികൂടിയത് പത്ത് അടിയിലേറെ നീളവും, പതിനഞ്ച് കിലോയിലേറെ ഭാരവും 8 വയസ്സ് പ്രായവും വരുന്ന ആൺ പെരുമ്പാമ്പിനെ ആണെന്ന് പാമ്പ്പിടുത്തതിന് ശാസ്ത്രീയ പരീശീലനം നേടിയിട്ടുള്ള പാലോട് ആർ.ആർ.ടി അംഗം ജയപ്രകാശ് പറഞ്ഞു .പിടികൂടിയ പാമ്പിനെ സുരക്ഷിതമായ രീതിയിൽ അടുത്ത ദിവസം ഉൾവനത്തിൽ തുറന്ന് വിടുമെന്നും വനം വകുപ്പ് അറിയിച്ചു.
