തിരുവനന്തപുരം നെടുമങ്ങാട് മോഷണങ്ങള്‍ തുടര്‍ക്കഥയാവുന്നു. നിര്‍മാണത്തിലിരിക്കുന്ന കെട്ടിടത്തിലെ ഇലക്ട്രിക് വയറിംഗ് സാമഗ്രികള്‍ ഉള്‍പ്പെടെ മോഷ്ടിച്ചതായി പരാതി. പൊലീസ് നൈറ്റ് പട്രോളിങ് കാര്യക്ഷമമല്ലെന്നും ആക്ഷേപം.
സംഭവത്തില്‍ കേസെടുത്ത് അന്വേഷണം ആരംഭിച്ചതായി നെടുമങ്ങാട് പൊലീസ് പറഞ്ഞു. നെടുമങ്ങാട് താലൂക്ക് പ്രദേശങ്ങളില്‍ കഴിഞ്ഞ ദിവസങ്ങളില്‍ പത്തോളം മോഷണങ്ങളാണ് റിപ്പോര്‍ട്ട് ചെയ്തത്.
രണ്ട് ദിവസം മുന്‍പ് ക്ഷേത്ര കാണിക്ക വഞ്ചിയില്‍ നിന്നെന്ന് സംശയിക്കുന്ന രണ്ടര കിലയോളം നാണയ തുട്ടുകള്‍ താന്നിമൂട് ചിറയ്ക്ക് സമീപം ഉപേക്ഷിച്ചതായും കണ്ടെത്തിയിരുന്നു. പൊലീസ് നൈറ്റ് പട്രോളിംഗ് കാര്യക്ഷമല്ലാത്തതിനാലാണ് മോഷണങ്ങള്‍ കൂടുന്നതെന്നാണ് നാട്ടുകാരുടെ ആരോപണം.
