കൊച്ചി കലൂര് സ്റ്റേഡിയത്തിലെ നൃത്തപരിപാടിക്കിടെ ഉമാ തോമസ് എംഎല്എയ്ക്ക് വീണ് പരിക്കേല്ക്കാനിടയായ സംഭവത്തില് സംഘാടകര് ഇന്ന് പൊലീസ് സ്റ്റേഷനില് ഹാജരാകണം. കേസിലെ പധാന പ്രതി മൃദംഗവിഷന് സിഇഒ നികോഷ് കുമാര്, ഓസ്കര് വിഷന് ഇവൻ്റ് മാനേജ്മെന്റ് ഉടമകള് ഹൈക്കോടതിയുടെ നിര്ദേശപ്രകാരമാണ് കീഴടങ്ങുക. ഉച്ചയ്ക്ക് രണ്ട് മണിക്ക് പാലാരിവട്ടം പൊലീസ് സ്റ്റേഷനില് എത്താനാണ് ഹൈക്കോടതി കഴിഞ്ഞ ദിവസം നിര്ദേശിച്ചത്.
കലൂര് സ്റ്റേഡിയത്തില് മൃദംഗനാദം എന്ന പേരില് ഗിന്നസ് പരിപാടി സംഘടിപ്പിച്ച മൃദംഗ വിഷന് എന്ന സ്ഥാപനത്തിന്റെ പ്രൊപ്പറേറ്ററാണ് നിഗോഷ് കുമാര്. ഇയാള് ഹാജരായാല് അറസ്റ്റ് ചെയ്യാനാണ് പൊലീസ് തീരുമാനം. ഉമാ തോമസിന് പരിക്കേറ്റ കേസില് മാത്രമല്ല സാമ്പത്തിക ചൂഷണം നടത്തിയെന്ന കേസിലും പിടിവീഴും. ഹാജരായില്ലെങ്കില് കണ്ടെത്തി പൊലീസിന് അറസ്റ്റ് ചെയ്യാമെന്ന് ഹൈക്കോടതിയും വ്യക്തമാക്കിയിരുന്നു. അതേസമയം വെന്റിലേറ്ററില് തുടരുന്ന ഉമ തോമസിന്റെ ആരോഗ്യനിലയില് പുരോഗതിയുണ്ട്
