തിരുവനന്തപുരം മംഗലപുരത്ത് പത്താം ക്ലാസുകാരനെ തട്ടിക്കൊണ്ടുപോയ കേസില് നാലുപേര് പിടിയില്. പിടിയിലായത് അശ്വിന് ദേവ്,അഭിറാം,ശ്രീജത്ത്, അഭിരാജ് എന്നിവര്. തട്ടിക്കൊണ്ടുപോയത് പെണ്സുഹ്യത്തുമായുളള അടുപ്പത്തിന്റെ പേരില്.
ബന്ദിമോചനം സാധ്യമായില്ലെങ്കില് യുദ്ധമെന്ന് ഇസ്രയേല്
ശനിയാഴ്ച ഉച്ചയ്ക്ക് മുന്പ് ബന്ദികളെ കൈമാറിയില്ലെങ്കില് വീണ്ടും യുദ്ധത്തിലേക്കെന്ന് മുന്നറിയിപ്പ് നല്കി ഇസ്രയേല് പ്രധാനമന്ത്രി ബെഞ്ചമിന് നെതന്യാഹു. ഹമാസ് ബന്ദികളെ കൈമാറുന്നത് വൈകിയാല് ആക്രമണം ആരംഭിക്കുമെന്നും ഹമാസിനെ ഇല്ലാതാക്കും വരെ ആക്രമണം തുടരുമെന്നും നെതന്യാഹു വ്യക്തമാക്കി. വെടിനിര്ത്തല് ധാരണ ലംഘിച്ച് ഇസ്രയേല് ആക്രമണം നടത്തുന്നതായി ആരോപിച്ച് ശനിയാഴ്ച നടക്കേണ്ട ബന്ദികൈമാറ്റം ഹമാസ് നീട്ടിവച്ചതിനെ തുടര്ന്നാണ് നെതന്യാഹുവിന്റെ മുന്നറിയിപ്പ്. ബന്ദികളെയെല്ലാം വിട്ടയക്കണമെന്നാണോ ശനിയാഴ്ച വിട്ടയക്കാമെന്ന് ഹമാസ് നേരത്തെ അറിയിച്ചിരുന്ന മൂന്നു ബന്ദികളുടെ കാര്യമാണോ നെതന്യാഹു മുന്നറിയിപ്പ് നല്കിയതെന്ന് വ്യക്തമല്ല. ഇസ്രയേലുമായി വെടിനിര്ത്തല് ധാരണ തുടരാന് പ്രതിജ്ഞാബദ്ധമാണെന്ന് ഹമാസ് പ്രതികരിച്ചു. വെടിനിര്ത്തല് ധാരണ ലംഘിക്കുന്നത് ഇസ്രയേല് ആണെന്ന് ഹമാസ് ആരോപിച്ചു.
