കുരങ്ങുകൾ ധാരാളമുള്ള പ്രദേശങ്ങളിൽ അവരുണ്ടാക്കുന്ന നിരവധി പ്രശ്നങ്ങളെ കുറിച്ച് നമ്മൾ സോഷ്യൽ മീഡിയയിൽ വായിച്ചറിഞ്ഞിട്ടുണ്ട്. കടകളിൽ നിന്ന് സാധനങ്ങൾ മോഷ്ടിച്ചെന്നും വീടുകളിൽ കയറി ഭക്ഷണം എടുത്തെന്നും തുടങ്ങി നിരവധി. എന്നാൽ ആളുകളിൽ നിന്നും മദ്യം മോഷ്ടിക്കുന്ന കുരങ്ങനാണ് ഇപ്പോൾ സംസാരവിഷയം. ആളുകൾക്ക് ശല്യമായിരിക്കുകയാണ് ഈ മുഴുക്കുടിയാണ് കുരങ്ങൻ. ഉത്തർപ്രദേശിലെ റായ്ബറേലിയിലാണ് സംഭവം. ഈ കുരങ്ങനെ കൊണ്ട് പൊറുതിമുട്ടിയിരിക്കുകയാണ് ആളുകൾ. മദ്യക്കടയിലോ മദ്യക്കടയുടെ പ്രദേശത്തോ ആർക്കും കുപ്പി കയ്യിൽ പിടിച്ച് നിൽക്കാൻ പറ്റാത്ത അവസ്ഥയാണ്. കുപ്പി കണ്ടാൽ കക്ഷി അതപ്പോൾ തന്നെ തട്ടിപറിച്ചെടുക്കും. അല്ലെങ്കിൽ കടയിൽ നിന്ന് കട്ടെടുത്തോ എങ്ങനെയെങ്കിലും മദ്യം കൈക്കലാക്കും.
