വെഞ്ഞാറമൂട് കൂട്ട കൊലപാതകത്തിൽ പ്രതി അഫാനെ ഇന്ന് കോടതിയിൽ ഹാജരാക്കും. അന്വേഷണ സംഘത്തിന്റെ അപേക്ഷ പരിഗണിച്ചാണ് നടപടി. പ്രതിയെ പൊലീസ് കസ്റ്റഡിയിൽ നൽകിയാൽ തെളിവെടുപ്പ് നടപടികളിലേക്ക് കടക്കും.
ആശാവർക്കർമാർ നടത്തുന്ന സമരം 25ാം ദിവസത്തിലേക്ക്
സെക്രട്ടറിയേറ്റ് നടയിൽ ആശാവർക്കർമാർ നടത്തുന്ന സമരം 25ആം ദിവസത്തിലേക്ക്. ഓണറേറിയം വർദ്ധിപ്പിക്കണമെന്നടക്കമുള്ള ആവശ്യങ്ങളോട് സംസ്ഥാന സർക്കാർ മുഖം തിരിഞ്ഞു നിൽക്കുന്ന സാഹചര്യത്തിലാണ് പ്രതിഷേധം തുടരുന്നത്.
എന്നാൽ, ആശമാർക്ക് ആനുകൂല്യം നൽകാത്തതിൽ കേന്ദ്രസർക്കാരിന് മേൽ പഴി ചാരുകയാണ് പിണറായി സർക്കാർ. പ്രതിഷേധത്തിന്റെ ഭാഗമായി വനിതാ ദിനത്തിൽ മഹാസംഗമം സംഘടിപ്പിക്കാനാണ് ആശമാരുടെ തീരുമാനം.
