അരിക്കൊമ്പന് മേൽ നിരീക്ഷണം തുടർന്ന് തമിഴ് നാട് വനം വകുപ്പ് . മേഘമലയിൽ ജനവാസ മേഖലയോട് ചേർന്ന് അരികൊമ്പൻ ഇപ്പോഴും തമ്പടിച്ച് നിൽക്കുന്നുണ്ടെന്നാണ് വിവരം. ആനയെ വെടി പൊട്ടിച്ച് കാടുകയറ്റാൻ ആണ് വനപാലകർ ശ്രമിക്കുന്നത്. അതേസമയം ജനവാസ മേഖലയിൽ ഇറങ്ങുന്നതിൽ മേഘമല നിവാസികൾ കടുത്ത ഭീതിയിലാണ്. നൂറുകണക്കിന് കുടുംബങ്ങൾ താമസിക്കുന്ന ഇവിടെ മുൻപില്ലാത്ത വിധം ആശങ്കയാണ് അരിക്കൊമ്പന്റെ വരവോടെ ഉണ്ടായതെന്നാണ് നാട്ടുകാർ പറയുന്നത്.
