ഡോ.വന്ദന കൊലപാതകക്കേസിലെ പ്രതി സന്ദീപിന് മാനസികാരോഗ്യ പ്രശ്നങ്ങളില്ലെന്ന് മനോരോഗവിദഗ്ധന്റെ റിപ്പോര്‍ട്ട്. മാനസികാരോഗ്യ കേന്ദ്രത്തിലെ ഡോക്ടര്‍ ജയിലിലെത്തി പരിശോധിച്ചു. പേരൂര്‍ക്കട മാനസികാരോഗ്യ കേന്ദ്രത്തിലെ ഡോക്ടര്‍ ഇതുസംബന്ധിച്ച റിപ്പോര്‍ട്ട് പൊലീസിന് കൈമാറി. സന്ദീപ് ചോദ്യങ്ങള്‍ക്ക് കൃത്യമായി പ്രതികരിക്കുകയും മറുപടി പറയുകയും ചെയ്യുന്നുണ്ട്. ഈ സാഹചര്യത്തില്‍ നിയമോപദേശം തേടിയ ശേഷം പ്രതിയെ കസ്റ്റഡിയില്‍ വാങ്ങാനാണ് ക്രൈംബ്രാഞ്ച് ആലോചിക്കുന്നത്.
