ഇന്ത്യയുടെ ഉൾപ്രദേശങ്ങളിലും സമുദ്ര, ആകാശ പരിധികളിലും അതിവേഗ ഇന്റർനെറ്റ് ലഭ്യമാക്കുന്ന ഐഎസ്ആർഒയുടെ അത്യാധുനിക വാർത്താ വിനിമയ ഉപഗ്രഹമായ ജിസാറ്റ് 20 വിജയകരമായി വിക്ഷേപിച്ചു.
ഇലോണ്‍ മസ്‌കിന്‍റെ ഉടമസ്ഥതയിലുള്ള സ്വകാര്യ ബഹിരാകാശ കമ്പനിയായ സ്പേസ് എക്‌സിന്റെ ഫാൽക്കൺ 9 റോക്കറ്റ് ഉപയോഗിച്ചാണ് ജിസാറ്റ് 20 വിക്ഷേപിച്ചത്. ഫ്ലോറിഡയിലെ കേപ് കനാവറലിലുള്ള സ്പേസ് കോംപ്ലക്‌സ് 40 ൽ ഇന്ന് പുലർച്ചെയായിരുന്നു വിക്ഷേപണം.
എട്ടു മിനിട്ട് കൊണ്ട് ഉപഗ്രഹം ഏകദേശം 27000 കിലോമീറ്റർ ഉയരത്തിലുള്ള ഭ്രമണപഥത്തിലെത്തി. ഇതാദ്യമായാണ് ഐഎസ്ആർഒ അതിൻ്റെ വാണിജ്യ വിഭാഗമായ ന്യൂ സ്പേസ് ഇന്ത്യ ലിമിറ്റഡ് വഴി സ്പേസ് എക്സ് റോക്കറ്റിൽ ഉപഗ്രഹം വിക്ഷേപിക്കുന്നത്.
* ഇതിലെ കമ്മ്യൂണിക്കേഷൻ പേലോഡിന് 14 വർഷത്തെ ആയുസ്സുണ്ട്.
* ഒരിക്കൽ പ്രവർത്തനക്ഷമമായ ഉപഗ്രഹം വിദൂര പ്രദേശങ്ങളിലേക്ക് ഇൻ്റർനെറ്റ് കണക്റ്റിവിറ്റി നൽകും.
* 32 ബീമുകൾ ഈ ഉപഗ്രഹത്തിൽ സംയോജിപ്പിച്ചിരിക്കുന്നു.
* ഇതു വഴി വടക്ക് കിഴക്കൻ മേഖലകൾ ഉൾപ്പെടെ ഇന്ത്യയുടെ എല്ലാ ഭാഗങ്ങളിലും അതിവേഗ ഇൻ്റർനെറ്റ് സേവനം ലഭിക്കും.
വിമാനങ്ങള്‍ക്കുള്ളില്‍ ഇന്റര്‍നെറ്റ് സേവനം ഒരുക്കുന്നതിനും ഇത് സഹായിക്കും.
