നോക്കിയ 110 4ജി (2023), നോക്കിയ 110 2ജി (2023) എന്നിങ്ങനെ രണ്ട് ഫീച്ചർ ഫോണുകൾ ഇന്ത്യയിൽ അവതരിപ്പിച്ച് എച്ച്എംഡി ഗ്ലോബൽ. വയർലെസ് എഫ്എം റേഡിയോ, ഇൻബിൽറ്റ് യു പി ഐ ആപ്പ് തുടങ്ങിയ സവിശേഷതകളോടെയാണ് ഫോൺ വരുന്നത്.

എച്ച് ഡി വോയ്‌സ് കോളിംഗ് പിന്തുണയോടെയാണ് നോക്കിയ 110 4ജി വരുന്നത്. ഒറ്റ ചാർജിൽ 12 ദിവസം വരെ സ്റ്റാൻഡ്‌ബൈ സമയം ഫോൺ വാഗ്ദാനം ചെയ്യുന്നുണ്ട്. രണ്ട് കളർ ഓപ്ഷനുകളിലാണ് ഫോണുകൾ വരുന്നത്.  

1.8 ഇഞ്ച് QQVGA ഡിസ്പ്ലേയാണ് ഫോണിനുള്ളത്. നോക്കിയ 110 4ജി, ഇരു ഫോണുകൾക്കും IP52 വാട്ടർ റെസിസ്റ്റൻസ് ഉള്ള പോളികാർബണേറ്റ് നാനോ ബിൽഡ് ആണുള്ളത്.

വില എത്രയാണെന്ന് നോക്കാം 

2,499 രൂപയാണ് നോക്കിയ 110 4ജി ഇന്ത്യയിലെ വില.  നോക്കിയ 110 2G യുടെ വില 1,699 രൂപയാണ്. ആർട്ടിക് പർപ്പിൾ, മിഡ്‌നൈറ്റ് ബ്ലൂ കളർ ഓപ്ഷനുകളിലാണ് നോക്കിയ 110 4ജി വരുന്നത്, എന്നാൽ നോക്കിയ 110 2ജി ചാർക്കോൾ, ക്ലൗഡി ബ്ലൂ നിറങ്ങളിൽ ലഭ്യമാണ്. 

സവിശേഷതകൾ

നോക്കിയ 110 4ജി (2023), നോക്കിയ 110 2ജി (2023 ) എന്നിവ  സീരീസ് 30+ ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്. നേരത്തെ പറഞ്ഞത് പോലെ 1.8 ഇഞ്ച് QVGA ഡിസ്പ്ലേകളാണ് ഫോണിനുള്ളത്. രണ്ട് മോഡലുകളിലും വയർഡ്, വയർലെസ് മോഡുകളോട് കൂടിയ എഫ്എം റേഡിയോയുണ്ട്. പണമിടപാടുകൾ നടത്താൻ ഉപയോക്താക്കളെ സഹായിക്കുന്ന ഇൻബിൽറ്റ് യുപിഐ ആപ്പും ഫോണിലുണ്ട്. ഫോണിൽ ഒരു MP3 പ്ലെയറും കാണാം. 4G ഹാൻഡ്‌സെറ്റിന് നാനോ സിം പിന്തുണയുണ്ട്, അതേസമയം ഫോൺ മിനി സിം കാർഡിനെയാണ് സപ്പോർട്ട് ചെയ്യുന്നത്

നേരത്തെ പറഞ്ഞത് പോലെ, നോക്കിയ 110 4ജി (2023) എച്ച് ഡി വോയ്‌സ് കോളിംഗ് വാഗ്ദാനം ചെയ്യുന്നു. എന്നാൽ നോക്കിയ 110 2ജി-യിൽ ഈ സവിശേഷത ലഭ്യമല്ല. ഇതിന് 3.5 എംഎം ഹെഡ്‌ഫോൺ ജാക്കും ബ്ലൂടൂത്ത് 5 കണക്റ്റിവിറ്റിയും ഉണ്ട്.

നോക്കിയയുടെ ഏറ്റവും പുതിയ ഫീച്ചർ ഫോണുകൾ 32 ജിബി വരെ വികസിപ്പിക്കാവുന്ന സ്റ്റോറേജ് പിന്തുണയ്ക്കുന്നു. നോക്കിയ 110 ജോഡിയുടെ പിൻഭാഗത്ത് QVGA ക്യാമറ സെൻസർ ഉണ്ട്. പൊടി, ജല പ്രതിരോധം എന്നിവയ്ക്ക് IP52 റേറ്റിംഗ് ഉണ്ട്. കൂടാതെ, ഒരൊറ്റ സ്പീക്കറും മൈക്രോഫോണും സഹിതം ഒരു മൈക്രോ-യുഎസ്ബി പോർട്ടും ഹാൻഡ്സെറ്റുകൾ വഹിക്കുന്നു.

നോക്കിയ 110 4G-യിൽ 1,450mAh ബാറ്ററിയുണ്ട്, ഇത് എട്ട് മണിക്കൂർ വരെ ടോക്ക്ടൈമും 12 ദിവസം വരെ സ്റ്റാൻഡ്‌ബൈ സമയവും നൽകുമെന്ന് അവകാശപ്പെടുന്നു. നോക്കിയ 110 2ജി യുടെ സവിശേഷത 1,000mAh ബാറ്ററിയാണ്. നോക്കിയ 110 4ക്ക് 121.5x50x14.4mm അളവും 94.5 ഗ്രാം ഭാരവുമാണ്. നോക്കിയ 110 2ക്ക് 115.07x49.4x14.4mm അളവും 79.6 ഗ്രാം ഭാരവുമാണ്.

Nokia 110 4G, Nokia 110 2G with UPI scan and pay feature launched in India, Price starts at Rs 1,699: Check Price, Specifications & Features