കൊച്ചി: സംസ്ഥാനത്ത് വീണ്ടും സ്വർണവിലയിൽ ഇടിവ്. ഇന്ന് 80 രൂപ ഇടിഞ്ഞ് സ്വർണവില പവന് 43,560 എന്ന നിരക്കിലെത്തി. ഇന്നലെയും സ്വർണവില പവന് 80 രൂപ ഇടിഞ്ഞിരുന്നു. ഗ്രാമിന് 10 രൂപ കുറഞ്ഞ് 5445 രൂപയിലെത്തി. ഇന്നലെ സ്വർണവില ഗ്രാമിന് 5455 രൂപയായിരുന്നു.
ഇക്കഴിഞ്ഞ ശനിയാഴ്ചയാണ് സ്വർണവില വർധിച്ചിരുന്നത്. ഒരു പവൻ സ്വർണത്തിന് 80 രൂപ വർധിച്ച് ശനിയാഴ്ച സ്വർണവില 43720 രൂപയിലെത്തിയിരുന്നു. തുടർന്ന് മൂന്ന് ദിവസം വിലയിൽ മാറ്റമുണ്ടായില്ല. ഇന്നലെ 80 രൂപ ഇടിഞ്ഞ് പവന് 43640 രൂപയിലെത്തി. ഗ്രാമിന് ഇന്നലെ 5455 രൂപയായിരുന്നു.
