കൊച്ചി:സംസ്ഥാനത്ത് സ്വര്‍ണവിലയിൽ ഇന്ന് വർദ്ധന. തുടര്‍ച്ചയായി നാലുദിവസം മാറ്റമില്ലാതെ തുടര്‍ന്ന സ്വര്‍ണവിലയില്‍ ഇന്ന് പവന് 80 രൂപയുടെ വര്‍ധനയാണ് രേഖപ്പെടുത്തിയത്. 43,360 രൂപയാണ് ഇന്നത്തെ സ്വര്‍ണവില.
ഗ്രാമിന് പത്തുരൂപയാണ് വര്‍ധിച്ചത്. 5420 രൂപയാണ് ഒരു ഗ്രാം സ്വര്‍ണത്തിന്റെ വില. ഈ മാസത്തിന്റെ തുടക്കത്തില്‍ 44,320 രൂപയായിരുന്നു സ്വര്‍ണവില. ഇത് തന്നെയാണ് ഈ മാസത്തെ ഏറ്റവും ഉയര്‍ന്ന നിരക്ക്. തുടര്‍ന്നുള്ള ദിവസങ്ങളില്‍ വില താഴുന്നതാണ് ദൃശ്യമായത്. 17ന് രേഖപ്പെടുത്തിയ 43,280 രൂപയാണ് ഈ മാസത്തെ ഏറ്റവും താഴ്ന്ന നിരക്ക്.
