കർഷകരെ സാമ്പത്തികമായി സഹായിക്കുന്നതിന് കേന്ദ്ര സർക്കാർ നടപ്പിലാക്കുന്ന പ്രധാന പദ്ധതിയാണ് പിഎം കിസാൻ സമ്മാൻ നിധി യോജന. ഈ പദ്ധതി പ്രകാരം കർഷകർക്ക് ഇതിനോടകം 19 ഗഡുക്കളായി ധനസഹായം വിതരണം ചെയ്തു കഴിഞ്ഞു.എന്നാൽ, പദ്ധതിയുടെ ആനുകൂല്യം അനർഹരായ നിരവധി പേർ കൈപ്പറ്റിയതായി കണ്ടെത്തിയിട്ടുണ്ട്. ഇത്തരത്തിലുള്ള അനർഹരായ ഗുണഭോക്താക്കളിൽ നിന്ന് 416 കോടി രൂപ കേന്ദ്രസർക്കാർ ഇതിനോടകം തിരിച്ചുപിടിച്ചു.
പിഎം കിസാൻ പദ്ധതി: 6000 രൂപയുടെ ആനുകൂല്യം
കർഷകർക്കായി കേന്ദ്ര സർക്കാർ നടപ്പാക്കുന്ന ഏറ്റവും വലിയ പദ്ധതികളിൽ ഒന്നാണ് പിഎം കിസാൻ സമ്മാൻ നിധി. ഈ പദ്ധതിയിൽ അർഹരായ കർഷകർക്ക് പ്രതിവർഷം 6000 രൂപ ധനസഹായം ലഭിക്കും.
ഓരോ ഗഡുക്കളായി 2000 രൂപ വീതം, മൂന്ന് തവണയായിട്ടാണ് ഈ തുക കർഷകരുടെ അക്കൗണ്ടുകളിലേക്ക് നേരിട്ട് (DBT) സർക്കാർ കൈമാറുന്നത്. എന്നാൽ, ഈ ആനുകൂല്യം അനർഹരായ ചില കർഷകരുടെ അക്കൗണ്ടുകളിലേക്കും എത്തിയതായി പിന്നീട് നടന്ന അന്വേഷണത്തിൽ കണ്ടെത്തുകയായിരുന്നു.
പിഎം കിസാൻ പദ്ധതി: അർഹത മാനദണ്ഡങ്ങൾ
ഡോക്ടർ, എഞ്ചിനീയർ, സിഎ തുടങ്ങിയ പ്രൊഫഷണൽ വ്യക്തികൾക്ക് ഈ പദ്ധതിയുടെ ആനുകൂല്യം ലഭിക്കില്ല.
സർക്കാർ ജീവനക്കാരായ കർഷകരും ഈ പദ്ധതിയുടെ ഗുണഭോക്താക്കളാകാൻ അർഹരല്ല.
10,000 രൂപയിൽ കൂടുതൽ പെൻഷൻ ലഭിക്കുന്ന മുതിർന്ന പൗരന്മാർക്കും ഈ പദ്ധതിയുടെ ആനുകൂല്യം ലഭിക്കില്ല.
വിരമിച്ച സർക്കാർ ജീവനക്കാർക്കും പിഎം കിസാൻ സമ്മാൻ നിധി പദ്ധതിയുടെ ആനുകൂല്യം ലഭിക്കില്ല.
അർഹതയുണ്ടായിട്ടും ആനുകൂല്യം ലഭിക്കാത്ത കർഷകർ
ബാങ്ക് അക്കൗണ്ട് ആധാറുമായി ബന്ധിപ്പിക്കാത്ത കർഷകർക്ക് ഈ പദ്ധതിയുടെ ആനുകൂല്യം ലഭിക്കില്ല.
ഇ-കെവൈസി പൂർത്തിയാക്കാത്ത കർഷകർക്കും പിഎം കിസാൻ സമ്മാൻ നിധി ലഭിക്കില്ല.
പിഎം കിസാൻ പദ്ധതിക്ക് ഓൺലൈനായി എങ്ങനെ അപേക്ഷിക്കാം?
അർഹരായ കർഷകർക്ക് ഈ പദ്ധതിയിലേക്ക് ഓൺലൈനായി അപേക്ഷിക്കാം. അതിനായി താഴെ പറയുന്ന കാര്യങ്ങൾ ശ്രദ്ധിക്കുക:
ആദ്യമായി പിഎം കിസാൻ പദ്ധതിയുടെ ഔദ്യോഗിക വെബ്സൈറ്റായ www.pmkisan.gov.in സന്ദർശിക്കുക.
ഹോം പേജിലെ 'Farmers Corner' എന്നതിൽ ക്ലിക്ക് ചെയ്ത് 'New Farmer Registration' എന്നത് തിരഞ്ഞെടുക്കുക.
നിങ്ങളുടെ ആധാർ നമ്പറും മറ്റ് വിവരങ്ങളും നൽകിയ ശേഷം 'Yes' എന്നതിൽ ക്ലിക്ക് ചെയ്യുക.
അപേക്ഷാ ഫോമിൽ നൽകിയിട്ടുള്ള വിവരങ്ങൾ ശരിയാണോ എന്ന് ഉറപ്പുവരുത്തുക. ശേഷം ഫോം സേവ് ചെയ്ത് പ്രിന്റൗട്ട് എടുക്കുക.
നിരാകരണം: ഈ ലേഖനം വിവരങ്ങൾ നൽകുന്നതിന് വേണ്ടി മാത്രമുള്ളതാണ്. കൂടുതൽ വിവരങ്ങൾക്കായി ഔദ്യോഗിക വെബ്സൈറ്റ് സന്ദർശിക്കുക.
