കലോത്സവ നഗരിയിലെ പ്രധാന വേദിയിലുള്ള കേരള പൊലീസിന്റെ സ്റ്റാൾ ഏവർക്കും പ്രിയപ്പെട്ടതാകുന്നത് ആശ്വാസമേകിയാണ്. വേദിക്ക് പുറത്തെ ചൂട് തണുപ്പിക്കാൻ ഐസ് ക്രീം ഉൾപ്പെടെ വിതരണം ചെയ്താണ് കേരള പൊലീസ് താരമാകുന്നത്.
സംസ്ഥാന സ്‌കൂള്‍ കലോത്സവം ; സൗജന്യ യാത്ര ഒരുക്കി കെ എസ് ആര്‍ ടി സി ബസുകള്‍
സംസ്ഥാന സ്‌കൂള്‍ കലോത്സവത്തിന് എത്തിയ എല്ലാവര്‍ക്കും ഒരുപോലെ സൗജന്യ യാത്രാ സൗകര്യം ഒരിക്കിയിരിക്കുകയാണ് കെ എസ് ആര്‍ ടി സി ബസുകള്‍. വിവിധ വേദികളെ ബന്ധിപ്പിച്ച് രാവിലെ 8 മണി മുതല്‍ രാത്രി 9 മണിവരെയാണ് കെ എസ് ആര്‍ ടി സി ബസ് സര്‍വീസ് നടത്തുന്നത്.
വേദികളില്‍ നിന്നും പുത്തരിക്കണ്ടം മൈതാനത്തെ ഭക്ഷണ കേന്ദ്രത്തിലേക്കാണ് പ്രധാനമായും ബസ് സര്‍വീസ്. നെയ്യാറ്റിന്‍കര എം എല്‍ എ കെ.ആന്‍സലന്റെ നേതൃത്വത്തില്‍ ട്രാന്‍സ്പോര്‍ട്ടേഷന്‍ കമ്മിറ്റിയുടെ കീഴിലാണ് ഈ ഇലക്ട്രിക്ക് ബസുകളുടെ പ്രവര്‍ത്തനങ്ങള്‍ ക്രമീകരിച്ചിരിക്കുന്നത്.
