ഇന്ത്യന്‍ പ്രിമിയര്‍ ലീഗ് 18ാം സീസണിന് മുന്നോടിയായി ടീമുകള്‍ നിലനിര്‍ത്തിയ താരങ്ങളുടെ പട്ടിക പുറത്തു വിടാനുള്ള തീയതി ഇന്നവസാനിക്കും.
മെഗാ ലേലത്തിനു മുന്‍പ് ടീമുകള്‍ക്ക് പരമാവധി 6 താരങ്ങളെ നിലനിര്‍ത്താം എന്നാണ് ചട്ടം. റോയല്‍ ചലഞ്ചേഴ്‌സ് ബാംഗ്ലൂരിന്റെ ക്യാപ്റ്റനായി വിരാട് കോലി എത്തുമെന്നാണ് റിപ്പോര്‍ട്ട്. സണ്‍റൈസേഴ്‌സ് ഹൈദരാബാദിന്റെ ക്യാപ്റ്റനായി ഓസ്‌ട്രേലിയന്‍ താരം പാറ്റ് കമിന്‍സ് തന്നെ തുടര്‍ന്നേക്കും.
കമിന്‍സിനു പുറമേ, ഹെയ്ന്റിച് ക്ലാസന്‍, ട്രാവിസ് ഹെഡ്, എന്നിവരെയും നില നിര്‍ത്താനാണ് സാധ്യത. ക്യാപ്റ്റന്‍ ശ്രേയസ് അയ്യരെ നില നിര്‍ത്താതെ ആയിരിക്കും കൊല്‍ക്കത്ത നൈറ്റ് റൈഡ്‌ഴ്‌സ് എത്തുക. സുനില്‍ നരെയ്ന്‍, റിങ്കു സിങ്, വരുണ്‍ ചക്രവര്‍ത്തി എന്നിവരാകും കൊല്‍ക്കത്ത നിലനിര്‍ത്തുന്ന താരങ്ങള്‍.
ക്യാപ്റ്റന്‍ ശുഭ്മാന്‍ ഗില്‍,റാഷിദ് ഖാന്‍, സായ് സുദര്‍ശന്‍, എന്നിവരെയാണ് ഗുജറാത്ത് നിലനിര്‍ത്തുന്നത്. ചെന്നൈ സൂപ്പര്‍ കിങ്‌സ് ധോണിയെ അണ്‍ ക്യാപ്ഡ് താരമായി ഉള്‍പ്പെടുത്തി ടീമില്‍ നിലനിര്‍ത്തും.
