സാഫ് കപ്പ് ഫുട്ബോളില് നേപ്പാളിനെ തകര്‍ത്ത് ഇന്ത്യ സെമിയില്‍. എതിരില്ലാത്ത രണ്ട് ഗോളിനാണ് ഇന്ത്യ നേപ്പാളിനെ തകര്‍ത്തത്. ഇന്ത്യക്കായി ക്യാപ്റ്റന്‍ സുനില്‍ ഛേത്രിയും മഹേഷ് സിംഗും ഗോള്‍ നേടി.
ആദ്യ പകുതി ഗോള്‍ രഹിതമായിരുന്നെങ്കിലും 61-ാം മിനിറ്റില്‍ ഛേത്രിക്കും 70-ാം മിനിറ്റില്‍ നവ്രം മഹേഷ് സിങ്ങിനും ഇന്ത്യക്കായി ഗോള്‍ കണ്ടെത്താനായി. ആദ്യ മത്സരത്തില്‍ പാക്കിസ്താനെ എതിരില്ലാത്ത നാല് ഗോളിന് തകര്‍ത്തതിന്റെ ആത്മ വിശ്വാസത്തിലാണ് ഇന്ത്യ കളത്തിലിറങ്ങിയത്. അതേസമയം തുടര്‍ച്ചയായ രണ്ടാം തോല്‍വിയോടെ ടൂര്‍ണമെന്റില്‍ നേപ്പാളിന്റെ പ്രതീക്ഷകള്‍ അവസാനിച്ചു.
