അര്‍ജന്റീനന്‍ ഫുട്‌ബോള്‍ താരം ലയേണല്‍ മെസിയെ സസ്‌പെന്‍ഡ് ചെയ്ത് പിഎസ്ജി. ക്ലബ്ബിന്റെ അനുവാദമില്ലാതെ കുടുംബത്തോടൊപ്പം സൗദി അറേബ്യ സന്ദര്‍ശിച്ചതിനാണ് സസ്‌പെന്‍ഷന്‍. രണ്ടാഴ്ചത്തേക്കാണ് സസ്‌പെന്‍ഷന്‍. സസ്‌പെന്‍ഷന്‍ കാലത്ത് പരിശീലനത്തിനും കളിക്കാനും അനുമതിയില്ല. ഫ്രഞ്ച് മാധ്യമമായ എല്‍ എക്വിപ് ആണ് ഇത് സംബന്ധിച്ച റിപ്പോര്‍ട്ട് പുറത്തുവിട്ടത്. കഴിഞ്ഞയാഴ്ച ലോറിയന്റിനെതിരെ നടന്ന ഫ്രഞ്ച് ലീഗ് വണ്‍ മത്സരത്തില്‍ പിഎസ്ജിക്കായി കളിച്ചതിന് ശേഷമായിരുന്നു മെസി സൗദി അറേബ്യയിലേക്ക് തിരിച്ചത്
