ബംഗ്ലദേശിനെതിരായ ട്വന്റി20 പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു. മലയാളി താരം സഞ്ജു സാംസണ്‍ മൂന്നു മത്സരങ്ങളുള്ള പരമ്പരയില്‍ പ്രധാന വിക്കറ്റ് കീപ്പറാകും. സൂര്യകുമാര്‍ യാദവ് നയിക്കുന്ന ടീമിന്റെ വൈസ് ക്യാപ്റ്റന്‍ ആരെന്നു പ്രഖ്യാപിച്ചിട്ടില്ല.
യുവതാരങ്ങളായ അഭിഷേക് ശര്‍മ, റിയാന്‍ പരാഗ്, നിതീഷ് റെഡ്ഡി എന്നിവരും ടീമിലുണ്ട്. ഒക്ടോബര്‍ ആറിന് ഗ്വാളിയോറിലാണ് പരമ്പരയിലെ ആദ്യ മത്സരം. ഒന്‍പതിന് ന്യൂഡല്‍ഹിയിലും 12ന് ഹൈദരാബാദിലുമാണ് മറ്റു മത്സരങ്ങള്‍.
