സാഫ് വനിതാ ഫുട്ബോള് ചാംപ്യന്‍ഷിപ്പില്‍ ഇന്ത്യക്ക് തകര്‍പ്പന്‍ തുടക്കം. ഗ്രൂപ്പ് എയിലെ ആദ്യ മത്സരത്തില്‍ ഇന്ത്യ പാകിസ്ഥാനെ പരാജയപ്പെടുത്തി. രണ്ടിനെതിരെ അഞ്ച് ഗോളുകള്ക്കാണ് ഇന്ത്യയുടെ വിജയം.
വെറ്ററന്‍ താരം ബാല ദേവി അന്താരാഷ്ട്ര ഫുട്ബോളിലെ 50-ാം ഗോള്‍ കുറിച്ച മത്സരം കൂടിയായിരുന്നു ഇത്. ഇന്ത്യക്കായി ഗ്രെയ്സ് ഡാംഗ്മെയ് ഇരട്ട ഗോളുകള്‍ നേടി. ഇന്ത്യയ്ക്കായി മനീഷ കല്യാണും ജ്യോതി ചൗഹാനും ഗോള്‍ നേടി. ഈമാസം 23 ന് നടക്കുന്ന രണ്ടാം മത്സരത്തില്‍ ബംഗ്ലാദേശാണ് ഇന്ത്യയുടെ എതിരാളികള്‍.
