ഇന്ത്യന്‍ പ്രീമിയര്‍ ലീഗില്‍ ഇന്ന് ലക്നൗ സൂപ്പര്‍ ജയിന്റ്‌സ് ഡല്‍ഹി ക്യാപ്പിറ്റല്‍സിനെ നേരിടും. രാത്രി ഏഴരയ്ക്ക് ലക്‌നൗവിലെ ഏകനാ ക്രിക്കറ്റ് സ്‌റ്റേഡിയത്തിലാണ് മത്സരം. ഏഴുമത്സരങ്ങള്‍ നിന്ന് അഞ്ച് ജയമാണ് ഡല്‍ഹിക്കുളളത്. കഴിഞ്ഞ മത്സരത്തില്‍ ഗുജറാത്തിനോട് പരാജയപ്പെട്ട ടീം വിജയവഴിയില്‍ തിരിച്ചെത്തുക ലക്ഷ്യമിട്ടാണ് ഇറങ്ങുന്നത്.
അക്‌സര്‍ പട്ടേല്‍ നയിക്കുന്ന ഡല്‍ഹി നിരയില്‍ കെഎല്‍ രാഹുല്‍, ട്രിസ്റ്റണ്‍ സ്റ്റബ്‌സ്, കരുണ്‍ നായര്‍,മിച്ചല്‍ സ്റ്റാര്‍ക്ക്, കുല്‍ദീപ് യാദവ് തുടങ്ങിയ താരങ്ങളാണ് കരുത്ത്. റിഷഭ് പന്ത് നയിക്കുന്ന ലക്നൗ ടീമില്‍ എയ്ഡന്‍ മാര്‍ക്രം, നിക്കോളാസ് പൂരന്‍, മിച്ചല്‍ മാര്‍ഷ്, രവി ബിഷ്‌ണോയ്, ശര്‍ദുല്‍ ഠാക്കൂര്‍, തുടങ്ങിയ താരങ്ങളാണ് പ്രതീക്ഷ. എട്ട് മത്സരങ്ങളില്‍ നിന്ന് അഞ്ച് ജയമാണ് ലക്‌നൗവിനുള്ളത്. കഴിഞ്ഞ മത്സരത്തില്‍ രാജസ്ഥാനെ പരാജയപ്പെടുത്തിയ ആത്മവിശ്വാസത്തില്‍ കൂടിയാണ് ലക്നൗ സ്വന്തം തട്ടകത്തില്‍ ഇറങ്ങുന്നത്.
