കോഴിക്കോട് കുറ്റിക്കാട്ടൂരിൽ മഴയ്ക്കിടെ കെഎസ്ഇബി തൂണിനരികിലുള്ള കടയിലെ കമ്പിയിൽ നിന്നും ഷോക്കേറ്റ് 18കാരൻ മരിച്ചു. പൂവാട്ടുപറമ്പ് എരഞ്ഞിക്കൽ താഴെ സ്വദേശി പുതിയോട്ടിൽ മുഹമ്മദ് റിജാസ് ആണ് മരിച്ചത്. തൂണിൽ നിന്നും വൈദ്യുതി പ്രവാഹം ഉണ്ടെന്ന വിവരം അറിയിച്ചിട്ടും കെഎസ്ഇബി അധികൃതർ നടപടി സ്വീകരിക്കാത്തതാണ് യുവാവിന്റെ മരണത്തിലേക്ക് നയിച്ചതെന്ന ആരോപണവുമായി നാട്ടുകാരും രംഗത്തെത്തി.
