ഒളവണ്ണ: കോഴിക്കോട് ഒളവണ്ണയിൽ വീട് ഇടിഞ്ഞ് ഭൂമിക്കടിയിലേക്ക് താഴ്ന്നു. സക്കീർ എന്നയാളുടെ വീടാണ് തകർന്നത്.
വലിയ ശബ്ദത്തോടെ വീട് ഇടിഞ്ഞു താഴുകയായിരുന്നു. താഴത്തെ നില പൂർണമായും മണ്ണിനടിയിലായി. വീട്ടിലുണ്ടായിരുന്നവർ ഓടി മാറിയതിനാൽ വലിയ അപകടമാണ് ഒഴിവായത്. പ്രദേശത്ത് മുൻപ് ചതിപ്പു നിലമായിരുന്നെന്നാണ് വിവരം.
അപകടസമയത്ത് സക്കീർ ജോലിക്ക് പോയതായിരുന്നു. മകൾ അവരുടെ മൂത്ത കുട്ടിയെ സ്കൂളിൽ കൊണ്ടുവിടാനും പോയതായിരുന്നു. വീട്ടിലുണ്ടായിരുന്ന സക്കീറിന്റെ ഭാര്യയും കൊച്ചുമകൻ മിൻസാലും പുറത്തേക്കോടി രക്ഷപ്പെടുകയായിരുന്നു.
