കാണാതായ മലപ്പുറം തിരൂര്‍ ഡെപ്യൂട്ടി താഹസില്‍ദാര്‍ പി.ബി ചാലിബിനായി അന്വേഷണം തുടരുന്നു.മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിൽ ഇന്നലെ രാത്രി കർണാടകയിലെ ഉടുപ്പിയിൽ ചാലിബ് എത്തിയെന്നാണ് സൂചന.
ബുധനാഴ്ച വൈകീട്ടാണ് ഓഫീസില്‍ നിന്ന് ഇറങ്ങിയ തഹസില്‍ദാറെ കാണാതായത്. രാത്രി എട്ടു മണിക്ക് ഭാര്യ അയച്ച മെസ്സേജിന് താന്‍ ഒരു റെയ്ഡില്‍ പങ്കെടുക്കുകയാണെന്ന് മറുപടി നൽകിയിരുന്നു.
ഇന്നലെ രാവിലെ 6.50ന് ഫോണ്‍ ഓണ്‍ ആയെങ്കിലും അപ്പോള്‍ തന്നെ ഓഫ് ആവുകയായിരുന്നു. തുടര്‍ന്ന് ഭാര്യ പോലീസില്‍ പരാതി നല്‍കുകയായിരുന്നു. പോലീസ് അന്വേഷണത്തില്‍ കോഴിക്കോട് പാളയത്തും ടവർ ലൊക്കേഷൻ കണ്ടെത്തിയിരുന്നു .
