ആലപ്പുഴ: കടവന്ത്രയിൽ നിന്ന് കാണാതായ സുഭദ്രയെ കൊന്ന് കുഴിച്ചുമൂടിയതായി സംശയം. സംഭവത്തിൽ ഒരാളെ പൊലീസ് കസ്റ്റഡിയിലെടുത്തിട്ടുണ്ട്. ആലപ്പുഴ കാട്ടൂർ കോർത്തശ്ശേരിയിൽ ശർമിള, മാത്യൂസ് ദമ്പതികൾ വാടകയ്‌ക്ക് താമസിച്ചിരുന്ന വീടിന്റെ പരിസരത്ത് പരിശോധന നടത്തിവരികിയാണ്. മൃതദേഹാവശിഷ്ടങ്ങൾ കണ്ടെടുത്തിട്ടുണ്ട്. ഇത് സുഭദ്രയുടേതാണോ എന്ന് സ്ഥിരീകരിക്കുന്നതിനുള്ള നടപടികൾ ആരംഭിച്ചേക്കും.
കഴിഞ്ഞ മാസമാണ് 73 വയസുകാരിയായ സുഭദ്രയെ കാണാതാകുന്നത്. കടവന്ത്ര പൊലീസിന് ലഭിച്ച പരാതിയുടെ അടിസ്ഥാനത്തിൽ അന്വേഷണം ആരംഭിച്ചിരുന്നു. അന്വേഷണത്തിൽ വയോധിക ആലപ്പുഴ കാട്ടൂർ കോർത്തശ്ശേരിയിൽ എത്തിയതായി വിവരം ലഭിച്ചു.
തീർത്ഥാടനത്തിന് പോകുന്നുവെന്നാണ് സുഭദ്ര കുടുംബത്തോട് പറഞ്ഞിരുന്നത്. എന്നാൽ ദിവസങ്ങൾക്ക് ശേഷവും തിരികെ എത്താതായതോടെയാണ് പരാതി നൽകിയത്.
