കൊല്ലം പത്തനാപുരം ചിതല്‍ വെട്ടിയില്‍ ജനങ്ങളെ ഭീതിയിലാഴ്ത്തിയ പുലി കുടുങ്ങി. പുലര്‍ച്ചെ മൂന്നരയോടെയാണ് വനവകുപ്പ് സ്ഥാപിച്ച കെണിക്കൂട്ടില്‍ പുലി കുടുങ്ങിയത്.
കഴിഞ്ഞ രണ്ട് മാസത്തോളമായി തുടരുന്ന പുലി ശല്യത്തെ തുടര്‍ന്നാണ് വനംവകുപ്പ് കൂട് സ്ഥാപിച്ചത്. പത്തനംതിട്ടയുമായി അതിര്‍ത്തി പങ്കിടുന്ന ഈ മേഖലയില്‍ പുലിശല്യം വര്‍ധിച്ചു വരികയാണെന്നാണ് നാട്ടുകാരുടെ പരാതി.
ഒന്നിലധികം പുലികള്‍ ഉണ്ടെന്ന സംശയം നിലനില്‍ക്കുന്നതിനാല്‍ വരും ദിവസങ്ങളിലും കൂട് സ്ഥാപിക്കാനാണ് വനംവകുപ്പിന്റെ തീരുമാനം.
