മലപ്പുറത്തുനിന്ന് കാണാതായ ഡെപ്യൂട്ടി തഹസില്‍ദാര്‍ പി.ബിചാലിബ് വീട്ടിൽ തിരിച്ചെത്തി. ഇന്നലെ രാത്രി 11 മണിയോടെയാണ് പി.ബി ചാലിബ് വീട്ടിലെത്തിയത്. മാനസിക സമ്മര്‍ദ്ദം മൂലമാണ് നാടുവിട്ടതെന്ന് പി.ബിചാലിബ് പറഞ്ഞതായി ബന്ധുക്കള്‍ പറഞ്ഞു.
കഴിഞ്ഞ ദിവസം ഡെപ്യൂട്ടി തഹസില്‍ദാര്‍ ഭാര്യയുമായി സംസാരിച്ചിരുന്നു. താന്‍ കര്‍ണാടകയിലെ ബസ് സ്റ്റാന്റില്‍ ആണ് ഉള്ളതെന്നും വീട്ടിലേക്ക് എത്തുമെന്നും അറിയിച്ചിരുന്നു. ബുധനാഴ്ചയാണ് പി.ബി.ചാലിബിനെ കാണാതായത്.
