കേരള പിറവി ദിനത്തോട് അനുബന്ധിച്ച് കേരളത്തിലെ 14 ജില്ലകളുടെ പേര് മള്‍ട്ടി വുഡില്‍ തയാറക്കി ത്യശൂര്‍ സ്വദേശിയായ ഡാവിഞ്ചി സുരേഷ് . ടൈപോഗ്രാഫിയിലുടെ കേരളത്തിലെ അതാതു ജില്ലകളുടെ ആകൃതിയിലാണ് മാപ്പ് തയ്യാറാക്കിയിരിക്കുന്നത് .
സംസ്ഥാനത്തെ 14 ജില്ലകളുടെ പേര് എട്ടടി ഉയരത്തിലുളള മള്‍ട്ടി വുഡിലാണ് ഡാവിഞ്ചി സുരേഷ് ഉണ്ടാക്കിയെടുത്തത് . ജില്ലകളുടെ ആകൃതിക്ക് മാറ്റങ്ങളൊന്നും വരുത്താതെ തന്നെ ജില്ലാ മാപ്പിന്റെ ഉള്ളില്‍ ഒതുങ്ങും വിധമാണ് പേരുകള്‍ തയ്യാറാക്കിയിരിക്കുന്നത്.
ഫോട്ടോഷോപ്പില്‍ വരചെടുത്ത ചിത്രം പിന്നീട് മള്‍ട്ടി വുഡിലേക്ക് നിര്‍മിക്കുകയായിരുന്നു . മലയാളത്തില്‍ മാത്രമല്ല ഇംഗ്ലീഷിലും ഡാവിഞ്ചി സുരേഷ് തയ്യാറാക്കിയിട്ടുണ്ട് .
കേരള പിറവി പ്രമാണിച്ച് പുറത്തിറക്കിയ നിര്‍മ്മാണ വീഡിയോയില്‍ എംഎഎ കുടുംബത്തിലുള്ള 14 ജില്ലകളിലെ 14 മിമിക്രി സുഹൃത്തുക്കളുടെ ശബ്ദ ശൈലികളും ഉള്‍പ്പെടുത്തിയിട്ടുണ്ട്.
സുനീഷ് വാരനാട്, ജാഫര്‍ ഇടുക്കി, നോബി മാര്‍ക്കോസ് ,നിയാസ് ബക്കര്‍ , കൊല്ലം സിറാജ് ,സാജന്‍ പള്ളുരുത്തി ,അലക്‌സ് കോട്ടയം , തൃശൂര്‍ സലീം, താജ് പത്തനംതിട്ട ,രാജേഷ് പാണാവള്ളി, ഇടവേള റാഫി , അനില്‍ ബേബി , അജയ് കല്ലായി , ശാര്‍ങ്ങാധരന്‍ കൂത്തുപറമ്പ, ഗിനീഷ് ഗോവിന്ദ് എന്നിവരുടെ ശബ്ദത്തിലാണ് കേരളത്തിന്റെ ഓരോ ജില്ലകളും അടയാളപ്പെടുത്തിയിരിക്കുന്നത്. ഇനി ഇന്ത്യയുടെ സംസ്ഥാനങ്ങള്‍ കൂടി ഇതുപോലെ ഇന്ഗ്ലീഷിലും മലയാളത്തിലും തയ്യാറാക്കാന്‍ കഴിയുമെന്ന് ആക്തമവിശ്വസത്തിലാണ്.
