കോട്ടയം: പഞ്ചായത്ത് ഓഫീസിന് മുകളില്‍ കയറി ആത്മഹത്യ ഭീഷണി മുഴക്കി കര്‍ഷകന്‍. കോട്ടയം തിരുവാര്‍പ്പ് പഞ്ചായത്തിലെ ബിജു എന്ന കര്‍ഷകനാണ് ആത്മഹത്യ ഭീഷണി നടത്തിയത്. കഴുത്തില്‍ കയറിട്ടാണ് കര്‍ഷകന്‍ ഭീഷണി മുഴക്കിയത്.പൊലീസും ഫയർഫോഴ്സും ചേർന്ന് കർഷകനെ താഴെയിറക്കി . പാടശേഖരത്തിലേക്ക് കൃഷി ആവശ്യത്തിന് വെള്ളം ലഭിക്കണമെന്നാവശ്യപ്പെട്ടാണ് ബിജു പഞ്ചായത്ത് ഓഫീസിനു മുകളില്‍ കയറി കഴുത്തില്‍ കയറിട്ട് ആത്മഹത്യ ഭീഷണി മുഴക്കിയത്.
