എറണാകുളം കുണ്ടന്നൂരിൽ സ്കൂൾ ബസിന് തീപിടിച്ചു. തേവര എസ് എച്ച് സ്കൂളിലെ ബസാണ് പൂർണമായി കത്തിനശിച്ചത് ..അപകട സമയത്ത് ബസിൽ കുട്ടികൾ ഇല്ലാത്തതിനാൽ വൻ ദുരന്തം ഒഴിവായി.
കുണ്ടന്നൂർ പാലത്തിന് സമീപം ഇന്ന് രാവിലെ 8.45 ഓടെയാണ് അപകടം . കുട്ടികളെ കയറ്റാൻ പോകുന്നതിനിടെയാണ് ബസിന്റെ മുൻ ഭാഗത്ത് നിന്ന് തീ ഉയരുന്നത് ഡ്രൈവറുടെ ശ്രദ്ധയിൽപെട്ടത്. ഉടൻ തന്നെ ഡ്രൈവറും ജീവനക്കാരിയും ബസിൽ നിന്നിറങ്ങി..
ഈ സമയം ഇതിലൂടെ കടന്നുപോയ കുടിവെള്ള ടാങ്കറിൽനിന്നു നാട്ടുകാരും ഡ്രൈവറും കൂടി ബസിലേക്കു വെള്ളമൊഴിച്ചു തീ അണയ്ക്കാൻ ശ്രമിച്ചെങ്കിലും പൂർണമായി കത്തിനശിച്ചു .. . അഗ്നിശമന സേനയെത്തിയാണ് തീപൂർണമായും അണച്ചത്‌.
തീപിടിക്കാനുള്ള കാരണം എന്തെന്ന് വ്യക്തതയില്ല. സംഭവത്തിൽ വിശദമായ അന്വേഷണം നടത്തുമെന്ന് സ്ഥലത്തെത്തി പരിശോധന നടത്തിയ മോട്ടോർ വാഹന വകുപ്പ് ഉദ്യോഗസ്ഥര്‍ അറിയിച്ചു..
