മുക്കം പോലീസ് സ്റ്റേഷനില്‍ നിന്നും ജെ സി ബി മോഷ്ടിച്ച സംഭവത്തില്‍ പ്രതിയായ മുക്കം പോലീസ് സ്റ്റേഷനിലെ മുന്‍ എസ് ഐ നൗഷാദിന് ജാമ്യം . കേസില്‍ പ്രതിയായ നൗഷാദ് നല്‍കിയ മുന്‍കൂര്‍ ജാമ്യ അപേക്ഷയിലാണ് ജാമ്യം ലഭിച്ചത്. ഉപാധികളോടെയാണ് ജാമ്യം. അന്‍പതിനായിരം രൂപ ബോണ്ടും , അന്വഷണ ഉദ്യോഗസ്ഥനുമായ് സഹകരിക്കുക, എല്ലാ ചൊവ്വാഴച്ചയും അന്വേഷണ ഉദ്യോഗസ്ഥനുമുമ്പില്‍ വന്ന് ഒപ്പിടുക, രാജ്യം വിടരുത്, രണ്ട് ആള്‍ ജാമ്യം, എന്നീ ഉപാധിയിലാണ് ജാമ്യം ലഭിച്ചത്. മോഷണത്തില്‍ സി ഐ ക്ക് പങ്ക് ഉണ്ടെന്ന് കോടതി നിരീക്ഷിച്ച കോടതി സര്‍ക്കാര്‍ ഉദ്യോഗസ്ഥന്‍ ആണെന്നുള്ള പരിഗണനയാണ് ജാമ്യം ലഭിക്കാന്‍ കാരണമെന്നും വ്യക്തമാക്കി. എന്നാല്‍ അന്വേഷണ ഉദ്യോഗസ്ഥന്‍ നല്‍കിയ റിപോര്‍ട്ട് ദുര്‍ബലമായതാണ് എസ്ഐ ക്ക് ജാമ്യം ലഭിക്കാന്‍ കാര്യമെന്നും ആരോപണമുണ്ട്.
