ശബരിമല സന്നിധാനത്തെ തീർത്ഥാടകരുടെ എണ്ണത്തിലും വരുമാനത്തിന്റെ കാര്യത്തിലും കാര്യമായ വർദ്ധനവുണ്ടായി 6 ലക്ഷത്തിലധികം തീർത്ഥാടകരാണ്. കഴിഞ്ഞ ഒൻപത് ദിവസത്തിനുള്ളിൽ ശബരിമല സന്നിധാനത്ത് ദർശനം നടത്തി മടങ്ങിയത് .
കഴിഞ്ഞ 9 ദിവസത്തിനിടയിൽ ആറുലക്ഷത്തിൽ പന്തീരായിരത്തി ഇരുന്നൂറ്റി തൊണ്ണൂറ് ശബരിമല സന്നിധാനത്ത് ദർശനത്തിന് എത്തിയത് . അധികവും ഇതര സംസ്ഥാനങ്ങളിൽ നിന്നുള്ളവർ .മുൻ വർഷത്തെ അപേക്ഷിച്ച് വരുമാനത്തിലും കാര്യമായ വർദ്ധന ഉണ്ടായി എന്ന് ദേവസ്വം ബോർഡ് പ്രസിഡന്റ് പറഞ്ഞു .
നട തുറന്ന ഒൻപത് ദിവസം പിന്നിടുമ്പോൾ 41 കോടി 64 ലക്ഷം രൂപയാണ് വിവിധ ഇനങ്ങളിലായി സന്നിധാനത്ത് വരുമാനമായി എത്തിയത് . മുൻ വർഷത്തെ അപേക്ഷിച്ച് 13 കോടി രൂപയുടെ വർദ്ധന അരവണ ബീറ്റ് വരവ് ഇനത്തിൽ ആണ് .ഏറ്റവും കൂടുതൽ വരുമാനം ലഭിച്ചത് 17 കോടി 71 ലക്ഷം രൂപ കാണിക്ക ഇനത്തിൽ 13 കോടി രൂപയും നടവരവായി ലഭിച്ചു. കഴിഞ്ഞവർഷം ഇത് 9 കോടി രൂപയായിരുന്നു.
കഴിഞ്ഞവർഷത്തെ അപേക്ഷിച്ച് മൂന്നുലക്ഷം തീർത്ഥാടകരുടെ വർദ്ധന ഉണ്ടായി. തീർത്ഥാടകർക്ക് സുഖദർശനം ഒരുക്കുന്നതിന്റെ ഭാഗമായി പടി കയറി നേരിട്ട് ദർശനം നടത്താനുള്ള അവസരം ഏർപ്പെടുത്തുമെന്ന് ദേവസ്വം അധികൃതർ പറയുന്നു . ഇതിനുള്ള നടപടിക്രമങ്ങൾ പുരോഗമിച്ച് വരികയാണ് . വഴിയുള്ള ദർശനത്തിനായി മണിക്കൂറോളം കാത്തു നിൽക്കുന്നത് ഒഴിവാക്കാൻ കഴിയും.
മൂന്നിടങ്ങളിലായി സ്പോട്ട് ബുക്കിംഗ് സംവിധാനം പ്രവർത്തിക്കുന്നുണ്ട്. പമ്പ എരുമേലി നിലയ്ക്കൽ എന്നിവിടങ്ങളിലാണ് ഇതിനുള്ള സംവിധാനങ്ങൾ ഒരുക്കിയിട്ടുള്ളത് . ദർശനത്തിന് എത്തുന്ന തീർത്ഥാടകർ ആധാർ കാർഡ് ഉൾപ്പെടെയുള്ള രേഖകൾ കരുതണമെന്ന് പോലീസ് നിർദ്ദേശമുണ്ട്. ദിനംപ്രതിയുള്ള തീർത്ഥാടകരുടെ എണ്ണം വർദ്ധിപ്പിക്കുന്ന കാര്യവും ദേവസ്വം ബോർഡിന്റെ പരിഗണനയിലാണ് .ഹൈക്കോടതിയിൽ അനുമതി കിട്ടിയാൽ തീർത്ഥാടകരുടെ എണ്ണം കൂട്ടും .
