Share this Article
Union Budget
ബ്രൗണ്‍ഷുഗറും കഞ്ചാവുമായി ഇതരസംസ്ഥാന തൊഴിലാളി പിടിയില്‍
Defendant

പത്തനംതിട്ട തിരുവല്ലയില്‍ ബ്രൗണ്‍ഷുഗറും കഞ്ചാവുമായി ഇതരസംസ്ഥാന തൊഴിലാളി എക്സൈസിന്റെ പിടിയിലായി. അസം സ്വദേശി ചെയ്ബുര്‍ റഹ്‌മാനാണ് തിരുവല്ല ബസ് സ്റ്റാന്‍ഡ് കേന്ദ്രീകരിച്ച് നടത്തിയ പരിശോധനയില്‍ പിടിയിലായത്.

ശബരിമല തീര്‍ത്ഥാടനവുമായി ബന്ധപ്പെട്ട് തിരുവല്ല അസിസ്റ്റന്റ് എക്സൈസ് ഇന്‍സ്പെക്ടര്‍ നാസറിന്റെ നേതൃത്വത്തില്‍ നടത്തിയ പരിശോധനയിലാണ് ഇയാളെ പിടികൂടിയത്. ഇയാളില്‍ നിന്നും 700 മില്ലിഗ്രാം ബ്രൗണ്‍ഷുഗറും 15 ഗ്രാം കഞ്ചാവും കണ്ടെടുത്തു.

പ്രതി കുറെ നാളായി തിരുവല്ല ഭാഗത്ത് ജോലി ചെയ്തു വരികയായിരുന്നു. അവധിക്കായി നാട്ടില്‍ പോയി മയക്കുമരുന്നുമായി ട്രെയിന്‍ മാര്‍ഗ്ഗം എത്തി ബസ്സില്‍ കയറാന്‍ കാത്തു നില്‍ക്കുമ്പോഴാണ് പിടിയിലായത്. പ്രതിയെ കോടതിയില്‍ ഹാജരാക്കി.


നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ കൈക്കുമ്പിളിൽ
Share this Article
Related Stories