കണ്ണൂർ: തോട് മുറിച്ചു കടക്കാൻ ശ്രമിക്കുന്നതിനിടെ കാൽ വഴുതി വെള്ളത്തിൽ വീണു വയോധിക ഒഴുക്കിൽപ്പെട്ടു മരിച്ചു. പട്ടുവം അരിയിലെ കല്ലുവളപ്പിൽ നാരായണി (78) ആണ് മരിച്ചത്. ഇന്ന് രാവിലെ തോട് മുറിച്ചു കടക്കുമ്പോൾ കാൽ വഴുതി വെള്ളത്തിൽ വീഴുകയായിരുന്നുവെന്നാണ് സംശയിക്കുന്നത്. ശക്തമായ ഒഴുക്കായിരുന്നു ഈ സമയത്ത് തോട്ടിൽ. ഏറെ ദൂരയാണ് മൃതദേഹം കിടന്നത്.
കർഷക തൊഴിലാളിയായ നാരായണി ജോലി സ്ഥലത്തു മറന്നു വച്ച മഴക്കോട്ട് എടുക്കാൻ പോയപ്പോഴാണ് അപകടത്തിൽപ്പെട്ടത്. ഭർത്താവ്: ഒതേനൻ. മക്കൾ: രാജീവൻ, രമ, ബാബു.
