കോഴിക്കോട് തിരുവമ്പാടിയില്‍ കാളിയാമ്പുഴയില്‍ പുഴയിലേക്ക് മറിഞ്ഞ കെഎസ്ആര്‍ടിസി ബസ് മറിഞ്ഞ സംഭവത്തില്‍ എന്ഫോഴ്സ്മെന്റ് ആര്‍ ടി ഒ പ്രാഥമിക അന്വേഷണ റിപ്പോര്ട്ട് സമര്‍പ്പിച്ചു.അപകട കാരണം ഡ്രൈവറുടെ അശ്രദ്ധയെന്ന് പ്രാഥമിക അന്വേഷണ റിപ്പോര്ട്ട്. ബസ്സിന്റെ ടയറുകള്‍ക്കും ബ്രേക്കിനും തകരാറില്ലെന്ന് പ്രാഥമിക നിഗമനം. അപകടത്തില്‍പെട്ട ബസ് പുഴയില്‍ നിന്നും ഉയര്‍ത്തി കരയിലെത്തിച്ചു. ഇന്നലെ രാത്രി 12 മണിയോടെയാണ് ബസ് ഉയര്‍ത്തിയത്.
