ഇന്ത്യാ ബുക്ക് ഓഫ് റെക്കോര്‍ഡില്‍ ഇടം നേടി രണ്ടര വയസുകാരി. മലപ്പുറം പൊന്നാനി സ്വദേശി ഹെന്‍സ ലയാല്‍ എന്ന കൊച്ചുമിടുക്കിയാണ് റെക്കോര്‍ഡ് സ്വന്തമാക്കി.
ഗ്രാസ്പിങ് പവര്‍ ഇനത്തിലാണ് ഹെന്‍സ റെക്കോര്‍ഡ് ലഭിച്ചത്. ഇംഗ്ലീഷിലും മലയാളത്തിലും നിഷ്‌കര്‍ഷിച്ച സമയ പരിധിക്കുള്ളില്‍ ശ്രദ്ധേയമായ പ്രകടനമാണ് ഈ കൊച്ചുമിടുക്കി കാഴ്ചവെച്ചത്. നേരത്തെ കലാം ബുക്ക് ഓഫ് റെക്കോര്‍ഡിലും ഹെന്‍സ ഇടം പിടിച്ചിരുന്നു.
പ്രവാസി ദമ്പതികളായ ഷഹീര്‍ മുഹമ്മദിന്റെയും ഷബ്‌നയുടെയും മകളാണ് ഹെന്‍സ ലയാല്‍. ഹെന്‍സയുടെ അസാധാരണ കഴിവ് തിരിച്ചറിഞ്ഞ് മാതാപിതാക്കല്‍ ഇതിനുള്ള പരിശീലനം നല്‍കുകയായിരുന്നു.
