വയനാട്ടിലെ ആളെക്കൊല്ലി ആന ബേലുര്‍ മഖ്‌ന വീണ്ടും ജനവാസ മേഖലയില്‍. മരക്കടവിലെത്തിയ ആന കബനി പുഴ വഴി കര്‍ണാടക ബൈരക്കുപ്പ ഭാഗത്തേക്ക് നീങ്ങി. പുലര്‍ച്ചെ അഞ്ചുമണിയോടെയാണ് ആനയെത്തിയത്. പ്രദേശവാസികള്‍ ജാഗ്രത പാലിക്കണമെന്ന് അധികൃതര്‍ അറിയിച്ചു.
വന്യജീവി ആക്രമണവുമായി ബന്ധപ്പെട്ട പ്രശ്നങ്ങള്‍ ചര്‍ച്ച ചെയ്യാന്‍ മന്ത്രിമാരുടെ നേതൃത്വത്തില്‍ ഇന്ന് ഉന്നതതലയോഗം യോഗം ചേരും.ജില്ലയിലെ തദ്ദേശ ജനപ്രതിനിധികളടക്കമുള്ള മുഴുവന്‍ ജനപ്രതിനിധികളും യോഗത്തില്‍ പങ്കെടുക്കും. അതേസമയം വന്യമൃഗ ശല്യത്തിന് പരിഹാരം കാണാത്ത സര്‍ക്കാരുകളുടെ നടപടികളില്‍ പ്രതിഷേധിച്ച് യുഡിഎഫിന്റെ രാപ്പകല്‍ സമരവും ഇന്നാണ്.
