വയനാട്, പൂക്കോട് വെറ്റിനറി സര്വ്വകലാശാല വിദ്യാര്ത്ഥി സിദ്ധര്ത്ഥിന്റെ മരണത്തില് മൂന്നുപേര് കൂടി കീഴടങ്ങി. എസ്എഫ്ഐ കോളേജ് യൂണിയന് പ്രസിഡന്റ് കെ.അരുണും കോളേജ് യൂണിറ്റ് സെക്രട്ടറി അമല് ഇഹ്സാനും മറ്റൊരു പ്രതിയുമാണ് കല്പ്പറ്റ ഡിവൈഎസ്പി ഓഫീസില് കീഴടങ്ങിയത്. ഇതോടെ കേസില് പിടിയിലേയവരുടെ എണ്ണം ഒന്പതായി. അതേസമയം മര്ദ്ദന വിവരം അറിയിക്കാന് വൈകിയതില് ഡീനിനോട് സര്വ്വകലാശാല റജിസ്ട്രാര് വിശദീകരണം തേടി.
