തൃശ്ശൂര്‍ അതിരപ്പിള്ളിയില്‍ കാട്ടാന ആക്രമണത്തിൽ ആദിവാസി സ്ത്രീ കൊല്ലപ്പെട്ട സംഭവത്തില്‍ പ്രതിഷേധിച്ച് ഇന്ന് അതിരപ്പിള്ളി പഞ്ചായത്തിൽ യുഡിഎഫ് കരിദിനമായി ആചരിക്കുകയാണ്. രാവിലെ ആറ് മുതൽ ആരംഭിച്ച കരിദിനാചരണം വൈകിട്ട് ആറു വരെ തുടരും.
ഗതാഗതം അടക്കമുള്ള അവശ്യ സർവീസുകളെ ബാധിക്കാത്ത രീതിയിലാണ് കരിദിനം ആചരിക്കുന്നത്. കരിദിനത്തോടനുബന്ധിച്ച് രാവിലെ 10 മണിക്ക് വെറ്റിലപ്പാറ 13ൽ പ്രതിഷേധ യോഗവും സംഘടിപ്പിച്ചിട്ടുണ്ട്.
