അടിമാലി: ഓടിക്കൊണ്ടിരുന്ന ഓട്ടോറിക്ഷയിൽ നിന്നു ചാടി ഗുരുതരാവസ്ഥയിൽ ചികിത്സയിലിരിക്കെ ഗൃഹനാഥൻ മരിച്ചു. എറണാകുളം ആരക്കുന്നം കൈപ്പട്ടൂർ സരോവരത്തിൽ പി.പി.മുകുന്ദൻ (58) ആണു മരിച്ചത്.
ബുധനാഴ്ച വൈകിട്ട് 6.30ന് ആണു സംഭവം. കമ്പിളിക്കണ്ടത്തു നിന്ന് അടിമാലിയിലേക്ക് ഓട്ടോ വിളിച്ച മുകുന്ദൻ പൊളിഞ്ഞപാലത്ത് എത്തിയപ്പോൾ ബഹളംവച്ച് ഓട്ടോയിൽനിന്നു ചാടുകയായിരുന്നു. കോട്ടയം മെഡിക്കൽ കോളജ് ആശുപത്രിയിൽ ഇന്നലെ വൈകിട്ട് മരിച്ചു. സംസ്കാരം പിന്നീട്. ഭാര്യ: ശുഭ. മകൻ: അശ്വിൻ.
