സാമൂഹിക വികസന പദ്ധതിയിലൂടെ മാതൃക തീർക്കുകയാണ് നാഷണൽ എൻ ജി ഒ കോൺഫെഡറേഷൻ. ഗ്രാമീണ ജന വിഭാഗങ്ങളുടെ ജീവിത നിലവാരം ഉയർത്തികൊണ്ട് വരുന്നതിന് നിരവധി പദ്ധതികളാണ് സംഘടന മുന്നോട്ട് കൊണ്ടുവരുന്നത്.വുമൺ ഓൺ വീൽ എന്ന് പേരിട്ടിരിക്കുന്ന ഏറ്റവും പുതിയ പദ്ധതിയിലൂടെ സ്ത്രീകൾക്ക് 50% സബ്സീഡിയോടെ ഇരുചക്ര വാഹനവും സംരംഭങ്ങൾ ആരംഭിക്കുന്നതിനായുള്ള പരിശീലനവും ലഭ്യമാകുമെന്ന് എൻ ജി ഒ പ്രതിനിധികൾ അറിയിച്ചു.
