ലോക്സഭാ എംപിയായി തെരഞ്ഞെടുക്കപ്പെട്ട കെ രാധാകൃഷ്ണന് പകരം മാനന്തവാടി എംഎല്എ ഒ ആര് കേളു മന്ത്രിയായി ചുമതലയേല്ക്കും. പട്ടിക ജാതി ക്ഷേമ വകുപ്പായിരിക്കും കേളുവിന് നല്കുക. നിലവിൽ സിപിഎം സംസ്ഥാന സമിതിയംഗമാണ് ഒ ആര് കേളു. അതേസമയം, സംസ്ഥാന മന്ത്രി സഭയില് ചെറിയ മാറ്റങ്ങളും ഉണ്ടാവും. വി എന് വാസവന് ദേവസ്വം വകുപ്പിന്റെ ചുമതല നല്കും. പാര്ലമെന്ററി കാര്യ വകുപ്പ് എം ബി രാജേഷിനും നല്കും.
