എയിംസ് വിഷയത്തില്‍ കേന്ദ്രമന്ത്രി സുരേഷ് ഗോപിക്ക് മറുപടിയുമായി നിയുക്ത കോഴിക്കോട് എം.പി എം.കെ.രാഘവന്‍. എയിംസ് കോഴിക്കോട് വേണമെന്ന താല്പര്യത്തിന് പിറകില്‍ ദുരുദ്ദേശമില്ല. കിനാലൂരില്‍ സംസ്ഥാന സര്‍ക്കാരിന്റെ 150 ഏക്കര്‍ ഭൂമി ഉള്ളതുകൊണ്ടാണ് അതുമായി മുന്നോട്ടു നീങ്ങുന്നത്. അക്കാര്യം മറന്നേക്കൂ എന്ന തരത്തില്‍ കേന്ദ്രമന്ത്രി പ്രസ്താവന ഇറക്കും മുമ്പ് സംസ്ഥാന സര്‍ക്കാരുമായി ആലോചിക്കണമായിരുന്നു എന്നും എം.കെ.രാഘവന്‍ പറഞ്ഞു.
