പാക്കിസ്ഥാനിലെ പഞ്ചാബില്‍ വായുമലിനീകരണം രൂക്ഷമായതിനെത്തുടര്‍ന്ന് പ്രവിശ്യയിലെ മ്യൂസിയങ്ങളും പാര്‍ക്കുകളും തുറക്കുന്നതിന് വിലക്ക് ഏര്‍പ്പെടുത്തി സര്‍ക്കാര്‍. നവംബര്‍ 8 മുതല്‍ 17 വരെയാണ് വിലക്ക്. ലാഹോറടക്കം 15ലധികം ജില്ലകളില്‍ നിരോധനം ബാധിക്കും.
പാക്കിസ്ഥാനിലെ വായു ഗുണനിലവാരം നേരത്തെതന്നെ മോശം നിലയിലെത്തിയിരുന്നു. പെഷവാര്‍, ഇസ്ലാമാബാദ്, റാവല്‍പ്പിണ്ടി, കറാച്ചി തുടങ്ങിയ നഗരങ്ങളുടെ വായുഗുണനിലവാരം അപകടാവസ്ഥയിലാണെന്നും പാക്കിസ്ഥാനി മാധ്യമങ്ങള്‍ റിപ്പോര്ട്ട് ചെയ്തു.
