ത്രിരാഷ്ട്ര സന്ദര്‍ശനത്തിനായി പ്രധാനമന്ത്രി നരേന്ദ്രമോദി നാളെ പുറപ്പെടും. 21 വരെയാണ് പര്യടനം. നൈജീരിയ, ഗയാന, ബ്രസീല്‍ എന്നീ രാജ്യങ്ങളാണ് സന്ദര്‍ശിക്കുക. നവംബര്‍ 18, 19 തിയതികളിലായി ബ്രസീലില്‍ നടക്കുന്ന ജി 20 ഉച്ചകോടിയിലും പങ്കെടുക്കും.
ഉച്ചകോടിക്കിടെ ഇന്ത്യ - കാനഡ നയതന്ത്ര തര്‍ക്കം ചര്‍ച്ചയായേക്കും. 17 വര്‍ഷത്തിന് ശേഷമാണ് ഒരു ഇന്ത്യന്‍ പ്രധാനമന്ത്രി നൈജീരിയ സന്ദര്‍ശിക്കുന്നത്. 1968 ന് ശേഷം ഗയാന സന്ദര്‍ശിക്കുന്ന ആദ്യ ഇന്ത്യന്‍ പ്രധാനമന്ത്രിയാണ് നരേന്ദ്ര മോദി.
