ചലച്ചിത്ര മേഖലയില് വനിതകള് നേരിടുന്ന ദുരനുഭവങ്ങളെക്കുറിച്ചു പഠിച്ച ജസ്റ്റിസ് കെ ഹേമ കമ്മീഷന് സമര്പ്പിച്ച റിപ്പോര്ട്ടിലെ വിവരങ്ങള് ഇന്ന് സര്ക്കാര് പുറത്തുവിടും. അഞ്ചുവര്ഷത്തിന് ശേഷം 295 പേജുള്ള റിപ്പോര്ട്ടിന്റെ 62 പേജ് ഒഴിവാക്കിയാണ് പുറത്തുവിടുന്നത്. വിവരാവകാശ നിയമപ്രകാരം അപേക്ഷ നല്കിയ മാധ്യമപ്രവര്ത്തകര് ഉള്പ്പെടെയുള്ള അഞ്ചുപേര്ക്കാണ് റിപ്പോര്ട്ടിന്റെ പകര്പ്പ് നല്കുക.
