മുഖ്യമന്ത്രിയുടെ ദുരിതാശ്വാസ നിധിയിലേക്ക് മമ്മൂട്ടി 20 ലക്ഷം രൂപയും ദുൽഖർ സൽമാൻ 15 ലക്ഷം രൂപയും സംഭാവന നൽകി. വയനാട്ടിലേക്കുള്ള ദുരിതാശ്വാസ സാമഗ്രികൾ ശേഖരിക്കുന്ന കൊച്ചി കടവന്ത്രയിലെ ഇൻഡോർ സ്റ്റേഡിയത്തിലെത്തി മന്ത്രി പി രാജീവിനാണ് തുക കൈമാറിയത് .
ഇത് ആദ്യ ഗഡു മാത്രമാണെന്നും തുടർന്നും നൽകുമെന്നും മമ്മൂട്ടി പറഞ്ഞു. വയനാടിനായി കടവന്ത്ര ഇൻഡോർ സ്റ്റേഡിയത്തിൽ എറണാകുളം ജില്ലാ ഭരണകൂടം സമാഹരിച്ച സാമഗ്രികൾ വഹിച്ചുകൊണ്ടുള്ള ആദ്യ വാഹനം മന്ത്രി പി രാജീവ് ഫ്ലാഗ് ഓഫ് ചെയ്തു.
