കനത്ത മഴയെ തുടർന്ന് ദക്ഷിണ കർണാടകയിൽ ജൂലൈ 4 ന് സ്കൂളുകൾക്കും കോളേജുകൾക്കും ജില്ലാ ഭരണകൂടം അവധി പ്രഖ്യാപിച്ചു. മംഗലാപുരം, മുൽക്കി, ഉള്ളാൽ, മൂഡ്ബിദ്രി, ബണ്ട്വാൾ തുടങ്ങിയ പ്രദേശങ്ങളിലെ എല്ലാ വിദ്യാഭ്യാസ സ്ഥാപനങ്ങൾക്കും അവധിയായിരിക്കും.
കഴിഞ്ഞ 24 മണിക്കൂറിനുള്ളിൽ ദക്ഷിണ കർണാടകയിലെ മംഗലാപുരം സബ് ഡിവിഷനിൽ കനത്ത മഴ രേഖപ്പെടുത്തിയതിനാൽ ഓറഞ്ച് അലർട്ട് പ്രഖ്യാപിച്ചതായി ദക്ഷിണ കർണാടക ഡെപ്യൂട്ടി കമ്മീഷണർ മുലൈ മുഗിലൻ അറിയിച്ചു.
താഴ്ന്ന പ്രദേശങ്ങളിലും തടാകങ്ങളുടെ കരയിലും ബീച്ചുകളിലും കുട്ടികളെ ഇറങ്ങാൻ അനുവദിക്കരുതെന്ന് അധികൃതർ രക്ഷിതാക്കൾക്ക് നിർദ്ദേശം നൽകിയിട്ടുണ്ട്. മത്സ്യത്തൊഴിലാളികൾ കടലിൽ പോകരുതെന്നും നിർദേശമുണ്ട്.
