പൂക്കോടെ വെറ്ററിനറി കോളേജ് വിദ്യാര്‍ത്ഥി സിദ്ധാര്‍ത്ഥന്റെ മരണത്തില്‍ കൂടുതല്‍ പേരുടെ മൊഴിയെടുക്കാന്‍ സിബിഐ. മരണസമയത്ത് ഹോസ്റ്റലില്‍ ഉണ്ടായിരുന്ന വിദ്യാര്‍ത്ഥികളുടെയും കോളേജ് - ഹോസ്റ്റല്‍ ജീവനക്കാരുടെയും മൊഴി രേഖപ്പെടുത്തും.
ഇന്നലെ സിദ്ധാര്‍ത്ഥന്റെ അച്ഛന്റെയും അമ്മാവന്റെയും മൊഴിയെടുത്തിരുന്നു. സംഭവം നടക്കുന്ന സമയത്ത് ഡീനായിരുന്ന എം.കെ നാരായണന്‍, സിദ്ധാര്‍ത്ഥന്റെ ഹോസ്റ്റലിലെ അസിസ്റ്റന്റ് വാര്‍ഡന്‍ എന്നിവരുടെയും മൊഴി ഇന്ന് രേഖപ്പെടുത്തിയേക്കും.
