മലപ്പുറം നിലമ്പൂരില്‍ പകുതി വില തട്ടിപ്പിന് കുടുംബശ്രീ വഴിയും പ്രചരണം നടന്നു. എന്‍.ജി.ഒ കോണ്‍ഫെഡറേഷന്റെ പകുതി നിരക്കിലുള്ള സ്കൂട്ടറും ലാപ്‌ടോപ്പും ലഭിക്കുന്നത് ഉപയോഗപ്പെടുത്താന്‍ സിഡിഎസ് ചെയര്‍പേഴ്‌സണ്‍മാര്‍ക്ക് ജില്ല കോഡിനേറ്റര്‍ കത്ത് നല്‍കി.
കുടുബശ്രീ മലപ്പുറം ജില്ല കോ- ഓര്‍ഡിനേറ്റര്‍ ആണ് കത്ത് നല്‍കിയത്. നിലമ്പൂരിലെ ജെ.എസ്.എസ് എന്ന സമിതി വഴി പണം നല്‍കി അനുകൂല്യം നേടാം എന്നും കത്തില്‍ പറയുന്നു. കോടികള്‍ തട്ടിയ എന്‍.ജി.ഒ കോണ്‍ ഫെഡറേഷന്റെ പകുതി വില ആനുകൂല്യത്തിന്റെ കുടുംബശ്രീയും പ്രചാരകരായതില്‍ ആശങ്ക നിലനില്‍ക്കുന്നുണ്ട്.
